feeling much better now, i think., sinisipon kasi ako!! :l haha i'm currently in the front of a laptop while doing my plate, while sniffing, while drinking calamansi juice.. whew. talk about multi tasking.
and my mom is a living machine gun again downstairs!! hmmmm yun lang hahaha.,
gusto ko gumawa ng story ngayon., then i resume doing my plateS.
..........................................................................................................................................................................
"Asan na ba?!" kanina pa ko hanap ng hanap, di ko pa din makita. tsk. pinagtanungan ko na ang lahat ng tao dito sa bahay di ko pa din makita..
"Nay! nakita niyo ba yung gamit ko dito sa ibabaw ng mesa?!" nakakainis, may namakelam nanaman siguro nun. tsk talaga!
"Nay, lalabas na nga muna ako, kung makita nyu yung gamit ko paki sabi na lang pagbalik ko." kailangan ko munang umalis ng bahay dahil naiinis na talaga ako. magpapahangin muna ako at magpapalamig ng ulo.
Hayun at tumango lang ang aking inay, na mukhang naiinis na din sakin dahil sa pagsisigaw ko siguro. malamang kung hindi pa ko umalis dun, pagagalitan pa ko nun. Ang burara ko daw kasi,at di ko ginagamit ang aking mata. Ayan ang lagi niyang sabi pag may nawawala akong gamit. Haay ewan ko ba dun, matanda na din kasi.
Naglalakad na ko ngayon, at di ko alam kung saan pupunta. May mga batang nagtatakbuhan dito sa labas, ang ingay ingay nila pero ang saya saya din nila. Bigla ko naisip na pumunta ng parke. Malapit lang naman dito yun.
Lakad, lakad, lakad. Kay init, tsk nakalimutan ko pang magdala ng payong. Ang sinabi ko ay magpapalamig ako pero mukhang lalo pa iinit ang ulo ko nito. tsk! BUti na lang malilim sa may parke, presko pa ang hangin.
ayan, malapit na ako. Abot tanaw ko na ang mga puno at upuan sa parke. umupo ako sa upuan malapit sa isang malaking puno, para malilim at malamig. Di ko napansin may nakaupo din pala sa kabilang upuan malapit sakin. Si elly!! ang childhood crush ko!
Nako biglang lumakas ang tibok ng puso ko. matalik kaming magkaibigan dati pero nung nag high school na para bang lumayo na siya sakin. Ang saklap no? di ko alam kung Bakit, haaay.
Babatiin ko kaya siya? o hindi nakakahiya. Hindi ko alam ang gagawin ko. Sige na nga. hihi
"Elly!, ikaw pala yan! kamusta na?" Nako anu kaya isasagot nito baka di ako pansinin. Baka mapahiya ako. Baka di niya na ko kilala.
"ui ikaw pala Johney, ayos lang naman. uhhh sige mauna na ako ha. bye."
Pang babae ba? pang bakla ang pangalan ko? pero hindi yun ang totoo kong pangalan. Aljon ang pangalan ko, Johney ang tawag niya sakin nung mga bata pa kami.
ay ou nga pala, aalis na daw siya. Malayo na siya ng napagtanto ko. Di man lang ako nakapagba-bye. saka ko lang din naisip, johney pa din ang tawag niya sakin. so hindi niya pa din pala ako nkakalimutan.
uuwi na din siguro ako, tutal hindi na mainit ang ulo ko at nakita ko pa si elly. mabuti na lang pala nagpasya akong lumabas. Paguwi ko sa bahay, Tumambad sa akin si inay.
" Aljon! eto ba yung hinahanap mo? ayan! at pinakaelaman ng bunso mong kapatid. Burara ka kasi!! Dapat ginagamit mo ang mata mo!" at bumalik na siya sa kusina.
Akala ko ligtas na ko sa sermon, di pa pala. At sabi ko na nga ba, iyon nanaman ang linya niya. Bumalik na ko sa kwarto ko, at nahiga sa kama. tinignan ko ang gamit na bigay sakin ng dati kong matalik na kaibigan.
luma na ang laruang iyon, pero maayos pa naman. Ingat na ingat ata ako dito. Isa siyang kahoy na bibe, yung tipong inuukit na mga kahoy. May nakita akong parang may hiwa sa ilalim, nako yung kapatid ko sinira pa ata. pero nang sinuri ko pa to lalo, bukasan pala iyon. bakit di ko napansin yun?
umupo ako bigla at dahan dahan kong binuksan yung kahoy na bibe sa ilalim. nahirapan pa ko ng unti dahil medyo nakadikit na yung bukasan sa katawan ng bibe. nang mabuksan ko na ito nang tuluyan may nakita akong maliit na kahoy na nakaukit din na parang bibe. may kapareha pala ang bibe na binigay niya sa-akin.
at sa tingin ko ,alam ko na kung bakit lumayo sa akin si elly.
..........................................................................................................................................................................
woooh tapos na., hahaha mukhan nanamang tanga ulit. gagawa na ko ng plate!!!
signing out
